Fenerede

@s Fenemaixes tamén navegan por mares cibernéticos. De feito, ademais de asentarse na illa da Marola, decidiron establecerse tamén nesta cova da Fene-Rede, xa que teñen moit@s amig@s que tamén construíron os seus fogares-web e gracias ao "transporte multimedia" sempre están a facerse visitas: un día en París, outro na China, Perú, Barcelona, Porto…e cando veñen a Galiza sempre están convidad@s a entrar na nosa cova do Concello de Fene.
No Verán Máis Alá, a interface do ordenador fálanos en galego, mediante software como o navegador Opera, o Word e o mIRC: dende aquí fixemos buscas, chateamos, escribimos en foros… A isto súmanse os xogos e contos dos paquetes Clic que tamén empregan a nosa lingua dun xeito escrito, con son e ilustracións. Ademais do contido escrito en galego, coñecemos obras de autores galegos en museos virtuais, escoitamos música…Traballamos nos espacios de información e comunicación (tanto sincrónica como asincrónica). Deste xeito, a normalización lingüística a través das novas tecnoloxías é un dos pilares fundamentais deste proxecto. Podemos citar algún exemplo de experiencias deste estilo en galego, como o xogo da personaxe misteriosa, o casposo que se realizou dentro do proxecto Ciberlingua ao igual que Alén dos faros.
Poderiamos dicir que no pano de fondo, nos xogos de luces, no guión, nas cámaras… do noso escenario multimedia, o galego interactúa co público que agora está detrás da pantalla dun xeito anónimo pero consciente e natural, optimizando a lingua que une a un pobo que a entende, que a sente sempre cunha historia detrás individual e colectiva e que hoxe está aprendendo a aloumiñala co seu uso paseniño, paseniño.
O galego na Fene-Rede é unha realidade neste proxecto. A iniciación a este mundo fusiónase coa propia construcción desta páxina. Aquí están algunhas das páxinas que visitaron os nosos rapaces e rapazas, unhas de xeito guiado e outras por propia iniciativa: de música, deportes, xogos… @s fenemaixes convídante a dar unha volta polo espacio:


	Para saber sobre o deporte visita Onosodeporte
	Olla a páxina de @meixa Cómics


	Coñece a páxina do Museo do Humor de Fene
	No Proxecto Ravachol hai música a esgalla


	E sobre ecoloxía en Galiza. Adega
	¿Que queres software en galego? Entón. Proxecto Xis


	E o Museo Castelao merece moito a pena
	Para estar informado visita Vieiros