Arquipélago

Ti dis: Galicia é ben pequena. Eu dígocho:Galicia é un mundo. Cada Terra é coma se fora o mundo enteiro. Poderala andar en pouco tempo de norte a sur, de leste a oeste noutro tanto; poderala volver a andar outra vez e máis. Non a has dar andado. E cada vez que a andes has atopar cousas novas e outras has botalas de menos. Pode ela ser pequena en extensión. En fondura, en entidade, é tan grande como queiras, e desde logo, moito meirande de como ti a ves. ¿Non din os filósofos que o homeé o "microcosmos",o compendio, o resume do universo todo? Para canto máis unha Terra con tódolos homes que nela viven.
Do grandor do teu espíritu depende todo; canto máis pequeno sexa máis terra precisará. Se o teu pensaré fondo, a túa Terra, para ti, non terá cabo; nela estará o mundo con tódolos seus climas. Se o teu pensar se detén na codia das cousas, non digas tampouco: Galicia é ben pequena; pequeno es ti, que endexamais poderás concebir nada grande.

VICENTE RISCO. "Da medida das cousas"

Este é o noso arquipélago. Son os anaquiños de todas as experiencias que imos interiorizando, que van modificando os esquemas de coñecemento e moldeando o noso pensamento. Nos recunchos da cova, o sabor do eco da nosa lingua galega está presente nun proceso natural de aprendizaxe. A isto súmanse outras liñas tranversais, como a educación en valores, a educación Ambiental, … É un mar infinito de cores, de formas, de soños, de risas, de desacougos, de solpores… Escollemos este texto de Risco porque debuxa a Galiza que desexamos coñecer, a Galiza onde decidimos que o relevo de contrastes da nosa terra incluíse o arquipélago arredor da Marola.